Tulad Ng Isang Huni, Maraming Salamat

Isang alaala mula sa aking kamusmusan, na sadyang hindi ko makalimutan. Noong ako ay edad limang taon, meron kaming kapitbahay na napakaraming lovebirds. Kayganda pagmasdan at talaga naman na makulay subalit bigla na lang ako ay napagbintangan na nagpalipad ng isangn ibon ayon sa kanilang kasambahay. Siguro, upang mapagtakpan ang kanyang kasalanan, sa akin ipinaako ang kanyang kamalian. Napalo ako ng husto ng aking ina ng dahil doon, sa dahilang pinipilit ako paaaminin sa kasalanan na di ko naman talaga ginawa.; Kasi ba naman sa totoo lang, maliban sa pagiging isang makulit na munting bata talaga naman ako ay sadyang malikot. Andun ang umakyat ako ng puno, pumasok sa mga imburnal at magtago kung saan saan. (May isa pa nga akong alaala na nagtago ako sa kisame upang hindi lamang matagpuan at pauwiin :P)

Ngunit sa aking munting kaisipan, ganun pa man ang nangiyari, kaiga-igaya pa rin pagmasdan ang mga munting ibon pero noong mga panahon may kamahalan na hindi ko kayang mabili. Kaya hanggang tingin na lang ako . Napakamahal kasi noon ng mga lovebirds, hindi ko naman sinubukan magpabili sa magulang ko pero basta ang alam ko --- mahal!!!

Ang aking pagkahalina sa mga ibon ay hindi natapos mula doon. Tatlong taon na ang nakalipas ng nag-umpisa ako mag-alaga nito. Tuwang tuwa ako sa nakikita kong mga videos sa youtube, kay Stargzer ng True Love Aviary. Mula sa isang paghanga, ay nag-umpisa ako gumawa ng sari saring laruan at masusi kong pinag-aralan ang mga kung ano ano ang dapat at naayon para sa aking mga alaga. Usbong ng pagmamahal, nagmula ang konsepto ng isang makulay na paraiso ng aking mga alaga.

Ang pagmamahal na iyon ay lumaganap na rin sa iba pang pamamahay na ikinalulugod ng inyong abang lingkod. Marami na rin ang sa akin ay nagpasalamat sa ligayang dinulot ng aking mga laruan sa mga munting ibon. At sa bawat pasasalamat na aking natatanggap ay isang higit na kaligayahan ang aking nararamdaman. Nagpupugay sa pagpapahalaga na inuukol sa mga munting nilalang na nagbibigay din sa atin ng kakaibang kasiyahan. At tlad ng isang ibon, mula sa munting huni, maraming salamat....